26 fevral 2025-cil il tarixində Naxçıvan Dövlət Universitetinin nəzdində Naxçıvan Tibb Kollecində Xocalı faciəsinin 33-cü ildönümü ilə bağlı tədbir keçirilmişdir.Tədbirdə Xocalı faciəsi qurbanları və şəhidlərimizin əziz  xatirəsi bir dəqiqəlik sükutla yad edilmiş, kollecin tələbələri Hüseynova Xəyalə, Xəlilli Nəcibə, Qasımlı Məmməd,Hüseynova Mələk, Hüseynova Günay,Fərhadova Zəruba şerlər və çıxışlar səsləndirmiş, kollecin Tələbə Gənclər Təşkilatının təşkilatçılığı ilə sənədli film nümayiş olunmuşdur.Həmçinin keçirilən dərslərin ilk iyirmi dəqiqəsi Xocalı faciəsinin anımına həsr olunmuşdur.
Xocalı soyqırımı, 1992-ci il fevralın 25-dən 26-na keçən gecə Ermənistan silahlı qüvvələri tərəfindən Xocalı şəhərində azərbaycanlı mülki şəxslərə qarşı törədilmiş kütləvi qırğındır. Bu hadisə Azərbaycan tarixinin ən faciəli səhifələrindən biri kimi yadda qalıb.
Xocalı faciəsi nəticəsində 613 nəfər həlak olub, onlardan 106-sı qadın, 63-ü uşaq, 70-i isə yaşlı insanlar idi. 1275 nəfər əsir götürülmüş, 150 nəfərin taleyi isə hələ də naməlumdur. Bu hadisə müasir tarixdə ən dəhşətli soyqırımlardan biri kimi qəbul edilir.