17 oktyabr 2025-ci il tarixində Naxçıvan Dövlət Universitetinin nəzdində Naxçıvan Tibb Kollecində erkən nikahların qarşısının alınması məqsədilə Naxçıvan Muxtar Respublikası İnsan Hüquqları üzrə Müvəkkili (Ombudsman) Aparatı ilə birgə təşkilatçılıqda maarifləndirici tədbir keçirilmişdir.
Tədbiri giriş sözü ilə kollecin direktoru Sona Məmmədova açaraq, erkən nikah hallarının qarşısının alınması istiqamətində gənclərin maarifləndirilməsinin vacibliyindən danışmışdır.
Daha sonra Naxçıvan Muxtar Respublikası İnsan Hüquqları üzrə Müvəkkili (Ombudsman) Aparatının əməkdaşı İmran Hüseynov “Erkən nikahın qarşısının alınmasına hüquqi yanaşma” mövzusunda çıxış etmişdir.
Kollecin metodisti Aysel Əliyeva “Erkən nikahın fəsadları”,
kollecin müəllimi Lalə Talıbova isə “Erkən nikah və onun sosial-psixoloji təsirləri” mövzularında çıxış edərək gəncləri bu sahədə məlumatlandırmışlar.
Tədbir zamanı tələbələrin mövzu ilə bağlı sualları cavablandırılmış, sonda erkən nikah mövzusunda hazırlanmış videoçarx nümayiş etdirilmişdir.