22 oktyabr 2025-ci il tarixində Naxçıvan Dövlət Universitetinin nəzdində Naxçıvan Tibb Kollecində “Konstitusiya və Suverenlik İli” çərçivəsində “Ümummilli Lider Heydər Əliyev – müstəqil Azərbaycan Konstitusiyasının müəllifidir” mövzusunda tədbir keçirilmişdir.
Tədbirin əvvəlində Ümummilli Lider Heydər Əliyevin və Azərbaycan Respublikasının ərazi bütövlüyü və suverenliyi uğrunda şəhid olmuş qəhrəmanların xatirəsi bir dəqiqəlik sükutla yad edilmiş, daha sonra Azərbaycan Respublikasının Dövlət Himni səsləndirilmişdir.
Tədbiri giriş sözü ilə Naxçıvan Tibb Kollecinin direktoru Sona Məmmədova açaraq tədbirin məqsəd və əhəmiyyətindən danışmış, Ümummilli Lider Heydər Əliyevin müstəqil Azərbaycan Konstitusiyasının yaradılmasındakı müstəsna rolunu vurğulamışdır.
Sonra Naxçıvan Muxtar Respublikası Prokurorluğunun Hüquqi təminat və insan hüquqları məsələləri şöbəsinin rəisi, baş ədliyyə müşaviri Faiq Səfərov çıxış edərək Konstitusiyanın qəbulunun tarixi əhəmiyyətindən və Heydər Əliyev ideyalarının bu sənəddə öz əksini tapmasından bəhs etmişdir.
Daha sonra Yeni Azərbaycan Partiyası Naxçıvan şəhər təşkilatının sədri Elman Cəfərli çıxış edərək müstəqilliyin qorunmasında və dövlətçiliyin möhkəmləndirilməsində Konstitusiyanın rolu barədə fikirlərini bölüşmüşdür.
Naxçıvan Muxtar Respublikası İnsan Hüquqları üzrə Müvəkkili (Ombudsman) Aparatının əməkdaşı Nuranə Kərimova öz çıxışında Konstitusiyanın insan hüquq və azadlıqlarının təminatında əsas hüquqi baza rolunu oynadığını vurğulamışdır.
Sonda Naxçıvan Dövlət Universitetinin əməkdaşı Təbrizə Bağırova çıxış edərək gənclərin hüquqi biliklərinin artırılmasının və konstitusion dəyərlərə sadiqliyin vacibliyini qeyd etmişdir.