2 aprel 2025-ci il tarixdə Naxçıvan Dövlət Universitetinin nəzdində Naxçıvan Tibb Kollecində 24 Mart “Ümumdünya Vərəmlə Mübarizə Günü”nə həsr olunmuş tədbir keçirilmişdir. Tədbiri giriş sözü ilə kollecin direktoru Sona Məmmədova açarq bildirmişdir ki, 24 mart “Ümumdünya Vərəmlə Mübarizə Günü” hər il dünya üzrə vərəm xəstəliyinin qarşısının alınması və bu xəstəlik barədə ictimai maarifləndirmə məqsədilə qeyd olunur. Bu günün qeyd olunmasının əsas məqsədi vərəm barədə məlumatın yayılması, xəstəliyin yayılmasının qarşısının alınması və müalicə üsullarının təbliğidir.
Daha sonra kollecin həkimi-müəllimləri Əhmədova Pərvin  ''Vərəm xəstəliyinin müalicə və profilaktikası'',Əhmədova Zeynəb isə ''Vərəm xəstəliyinin müalicəsi zamanı istifadə olunan preparatlar''dan bəhs edən çıxışlar etmişdirlər.