14 noyabr 2025-ci il tarixdə Naxçıvan Dövlət Universitetinin nəzdində Naxçıvan Tibb Kollecində “Kibertəhlükəsizlik – 21-ci əsrin rəqəmsal gigiyenası” mövzusunda tədbir keçirilmişdir.
Tədbiri giriş sözü ilə kollecin direktoru Sona Məmmədova açaraq rəqəmsal təhlükəsizliyin müasir dövrdə əhəmiyyəti barədə danışmışdır.
Daha sonra Naxçıvan Dövlət Universitetinin İnformasiya Texnologiyaları şöbəsinin müdiri Hüseyn Əsgərli mövzu üzrə təqdimatla çıxış etmişdir. Təqdimatda yeni kibertəhlükəsizlik trendləri, fişinq, malware və ransomware hücumları haqqında ətraflı məlumat verilmişdir. Çıxışdan əvvəl mövzuya dair maarifləndirici videoçarx nümayiş olunmuşdur.
Tədbir diskussiya şəklində davam etmiş, kibertəhlükəsizliklə bağlı aktual suallar ətrafında fikir mübadiləsi aparılmışdır. Sonda tələbələri maraqlandıran suallar cavablandırılmış və mövzu üzrə praktiki tövsiyələr verilmişdir.