25 noyabr 2025-ci il tarixdə Naxçıvan Dövlət Universitetinin nəzdində Naxçıvan Tibb Kollecində “Gənclərin sağlam gələcəyi naminə: Narkomaniyaya qarşı birlikdə” mövzusunda maarifləndirici tədbir keçirilmişdir.
Tədbiri giriş sözü ilə kollecin metodisti Aysel Əliyeva açaraq “Narkomaniya öldürür: Gəncləri xilas etməyin yolu maarifləndirmədən keçir” mövzusunda çıxış etmişdir. O, narkotik maddələrin yaratdığı təhlükələrdən, onların gənclərin sağlamlığına və gələcəyinə vurduğu zərərdən bəhs etmişdir.
Daha sonra kollecin direktor müavini Səidə Şahverdiyeva “Narkotik asılılığının tibbi və psixoloji təsirləri: Gənclər üçün risklər” mövzusunda çıxış edərək asılılığın orqanizmdə yaratdığı geridönməz dəyişikliklər və psixoloji təsirlər barədə məlumat vermişdir.
Tədbirin sonunda tələbələrə narkomaniya ilə mübarizə mövzusunda hazırlanmış maarifləndirici braşuralar təqdim olunmuş, onlara zərərli vərdişlərdən uzaq durmağın yolları və sağlam həyat tərzinin üstünlükləri barədə məlumatlar çatdırılmışdır.