7 noyabr 2025-ci il tarixində Naxçıvan Dövlət Universitetinin nəzdində Naxçıvan Tibb Kollecində Kollecin Tələbə Gənclər Təşkilatının təşkilatçılığı ilə 8 Noyabr – Zəfər Gününə və Zəfərin 5 illiyinə həsr olunmuş “Zəfərin səsi” adlı tədbir keçirilmişdir.
Tədbir Ulu Öndər Heydər Əliyevin və Vətən uğrunda şəhid olmuş qəhrəmanlarımızın xatirəsinin bir dəqiqəlik sükutla yad edilməsi və Azərbaycan Respublikasının Dövlət himni nin səsləndirilməsi ilə başlanmışdır.
Kollecin direktoru Sona Məmmədova çıxış edərək Zəfər Gününün tarixi əhəmiyyətindən, Azərbaycan xalqının birliyindən və qəhrəman ordumuzun şücaətindən danışmışdır.
Daha sonra Naxçıvan Tibb Kolleci Tələbə Gənclər Təşkilatının sədri Gülsüm Heydərova çıxış edərək gənclərin vətənpərvərlik ruhunda tərbiyə olunmasının önəmindən bəhs etmişdir.
Tədbir zamanı Zəfərə həsr olunmuş videoçarx nümayiş etdirilmiş, tələbələrin ifasında musiqi nömrələri, şeirlər və rəqslər səsləndirilmişdir.
Həmçinin Naxçıvan Tibb Kollecinin II Qarabağ müharibəsində iştirak etmiş tələbələri tədbir zamanı xatırlanmış, onların göstərdikləri igidliklərdən bəhs olunmuş, müəllimlər həmin tələbələr haqqında qürurverici xatirələrini bölüşmüşlər.
Sonda Naxçıvan Tibb Kolleci Tələbə Həmkarlar İttifaqının Zəfərin ildönümünə həsr etdiyi “Unudulmaz ruhlar” adlı esse müsabiqəsinin qaliblərinə diplomlar təqdim olunmuşdur.